ఎమ్మెల్యే చెవిరెడ్డి ఇంట విషాదం

చంద్రగిరి ఎమ్మెల్యే చెవిరెడ్డి భాస్కర్‌రెడ్డి ఇంట్లో విషాదం చోటు చేసుకుంది. ఆయన తండ్రి చెవిరెడ్డి సుబ్రమణ్యంరెడ్డి మరణించారు. ఆయన కొంతకాలంగా శ్వాసకోశ వ్యాధులతో ఇబ్బంది పడుతున్నారు. హఠాత్తుగా నిన్న అర్ధరాత్రి ఊపిరిపీల్చడం సమస్యగా మారడంతో కుటుంబ సభ్యులు వెంటనే స్విమ్స్ కు తరలించారు. అయితే వైద్యులు ఎంత ప్రయత్నించినా సుబ్రమణ్య రెడ్డి కోలుకోలేదు. ఆయన మరణించినట్లు వైద్యులు ధృవీకరించారు.