అమరావతి రైతులకు శ్రీవారి దర్శనం.. గుడ్ న్యూస్
రాజధాని రైతులకు టీటీడీ గుడ్ న్యూస్ చెప్పింది. ఒకేసారి 500 మంది తిరుమల శ్రీవారిని దర్శించుకునే వీలుకల్పించింది.
రాజధాని రైతులకు తిరుమల తిరుపతి దేవస్థానం గుడ్ న్యూస్ చెప్పింది. ఒకేసారి 500 మంది తిరుమల శ్రీవారిని దర్శించుకునే వీలుకల్పించింది. కరోనా నిబంధనలను పాటిస్తూ రైతులందరూ శ్రీవారి దర్శనం చేసుకోవచ్చని తెలిపింది. బుధవారం వీరందరికీ శ్రీవారి దర్శనమయ్యేలా టీటీడీ ఏర్పాట్లు చేసింది. రాజధాని రైతులు ఈరోజు సాయంత్రం అలిపిరి వద్ద మహాపాదయాత్రను ముగించనున్నారు.
నేటితో ముగింపు....
అనంతరం అక్కడి నుంచి కాలినడకన కొండమీదకు చేరుకుంటారు. రేపు స్వామి వారి దర్శనం చేసుకుంటారు. గత 44 రోజులుగా అమరావతి రైతులు న్యాయస్థానం టు దేవస్థానం మహా పాదయాత్ర చేసిన సంగతి తెలిసిందే. తుళ్లూరు నుంచి తిరుమల వరకూ వారు చేసిన పాదయాత్ర నేటితో ముగియనుంది.