నా ఫ్యామిలీ కిడ్నాప్ ను కూడా రాజకీయం చేస్తే ఎలా? : ఎంపీ ఎంవీవీ

తన భార్య, కుమారుడితో పాటు.. కుటుంబ సన్నిహితుడు కిడ్నాప్ వ్యవహారంపై వైజాగ్ ఎంపీ ఎంవీవీ సత్యనారాయణ స్పందించారు. ఈ మేరకు ఆయన మీడియా సమావేశం నిర్వహించి.. జరిగింది వివరించారు. జూన్ 12 తెల్లవారుజామున గుర్తు తెలియని వ్యక్తులు తమ ఇంటిలోకి వచ్చి, క్రూరంగా హింసించి వారి నుంచి డబ్బులు వసూలు చేశారన్నారు. మూడు రోజులపాటు రెక్కీ చేసి కుటుంబ సభ్యుల్ని కిడ్నాప్ చేశారని తెలిపారు. పోలీసులు హేమంత్ అనే వ్యక్తిని అదుపులోకి తీసుకున్నట్లు చెప్పారని, అతనిపై 13 కేసులు, రాజేశ్ అనే మరో నిందితుడిపై 40కి పైగా కేసులు ఉన్నట్లు తెలిపారు.