ఆంధ్రప్రదేశ్ లో పలు ప్రాంతాల్లో వర్షాలు కురుస్తూ ఉన్నాయి. చాలా ప్రాంతాలు జలమయమయ్యాయి. అయితే రాబోయే రోజుల్లో మరింత అప్రమత్తమవ్వాల్సిన అవసరం ఉందని వాతావరణ అధికారులు తెలిపారు. ఆంధ్రప్రదేశ్ రాష్ట్రానికి సూపర్ సైక్లోన్ ముప్పు ఉందని వాతావరణ శాఖ హెచ్చరించింది. సూపర్ సైక్లోన్ కారణంగా ఏపీకి భారీ వర్షాలు, వరదలు వచ్చే ప్రమాదం ఉన్నట్లు తెలుస్తోంది. ఈనెల 18న ఉత్తర అండమాన్ సమీపంలో ఉపరితల ఆవర్తనం…ఏర్పడనుందని ఆ తర్వాత ఈ నెల 20 నాటికి ఆగ్నేయ బంగాళాఖాతంలో అల్పపీడనం ఏర్పడనుందని అధికారులు తెలిపారు. అల్పపీడనం బలపడి తీవ్ర వాయుగుండంగా ఆంధ్రప్రదేశ్ వైపు పయనం కానుందని.. ఆ తర్వాత తుఫాన్ గా మారుతుందని వాతావరణ శాఖ అంచనా వేస్తోంది. తుఫాన్ ఏర్పడితే సిత్రంగ్(sitrang) గా నామకరణం చేయనున్నారు. సూపర్ సైక్లోన్ ఏర్పడితే ఏపీ, ఒడిషా, బెంగాల్ రాష్ట్రాలపైన ప్రభావం ఉండనుందని గుర్తించారు.