సింపతీ కోసం ఎన్ని డ్రామాలు : సజ్జల

ఎన్నికలు మరో 150 రోజుల్లో రానున్నాయని, ఎవరు ఏం చేశారో చెప్పుకోగలగాలని అన్నారు. టీడీపీ ఎవరి పార్టీ అన్నది గచ్చిబౌలి ఈవెంట్ తో తేలిపోయిందన్నారు. ప్రజలు ఏమనుకుంటారో అన్న జ్ఞానం కూడా లేదన్నారు. గతంలో ఇది మేం చేశామని చెప్పుకుని ఎన్నికలకు వెళ్లాలని సజ్జల సవాల్ విసిరారు. ఎన్నికలు సమీపిస్తున్న తరుణంలో ఇంకా ఇలాంటి డ్రామాలు టీడీపీ నుంచి వస్తాయని, కానీ ప్రజలు మాత్రం వాటిని అర్థం చేసుకుంటారని తెలిపారు. చంద్రబాబు ఇచ్చిన హామీల బకాయీలను కూడా తామ అధికారంలోకి వచ్చాక తామే తీర్చామని సజ్జల గుర్తు చేశారు.

మేనిఫేస్టోను చెత్తబుట్టపాలు చేసిన చంద్రబాబు చెప్పుకోవడానికి ఏమీ లేదన్నారు. జగన్ ఇది చేయలేదని చెప్పడానికి కూడా లేదని సజ్జల రామకృష్ణారెడ్డి అన్నారు. సూపర్ సిక్స్ అని ప్రచారం చేసుకోవచ్చు కదా? అని సజ్జల నిలదీశారు. అరెస్టయితే జరుగుతున్న ప్రదర్శనలన్నీ చూస్తుంటే ఈవెంట్ మేనేజ్్మెంట్ లన్నీ ఒకరే చేస్తున్నట్లు అర్థమవుతుందని తెలిపారు. చంద్రబాబు అరెస్ట్ ను న్యాయపరంగానే చూడాలని, జగన్ ను గతంలో అరెస్ట్ చేసినప్పుడు తాము అలానే చేశామని చెప్పారు. టీడీపీ ప్రదర్శనలు ఎంత ఎబ్బెట్టుగా ఉంటున్నాయన్నది అందరికీ తెలుసునని అన్నారు. చంద్రబాబు బతికే ఉన్నాడు కదా? ఎందుకీ డ్రామాలు? ఏదో సింపతీ కోసం చేస్తున్న ప్రదర్శనలు పనికిరావని సజ్జల రామకృష్ణారెడ్డి కొట్టిపారేశారు.