నోరు జారితే తాటతీస్తా.. బొండాకు దేవినేని వార్నింగ్

ఐలాపురం వెంకయ్య దగ్గర డ్రైవర్ గా పనిచేసి కాళ్లు నొక్కి చివరకు వారినే మోసం చేసిన వ్యక్తి బొండా ఉమ అని అన్నారు. తిరుపతిలో బొండా ఉమ సారా వ్యాపారం చేశాడని ఆరోపించారు. కారు రేసులు, రేవ్ పార్టీ కల్చర్ నగరానికి తెచ్చింది బొండా ఉమాయేనని ఆరోపించారు. ఆయన కుమారులు ఈ సంస్కృతిని తెచ్చారని విమర్శించారుక. చంద్రబాబును బొండా ఉమ బ్లాక్ మెయిల్ చేస్తూ పబ్బం గడుపుకుంటున్నారన్నారు. కాపుల గొంతును కోసింది చంద్రబాబు అంటూ అప్పుడు మొరిగింది బొండా ఉమ కాదా? అని ప్రశ్నించారు. బెజవాడకు గంజాయిని అలవాటు చేసింది బొండా ఉమాయేనని అన్నారు. ఇంకోసారి వైసీపీ ప్రభుత్వం గురించి కాని, తన గురించి మాట్లాడితే తాట తీస్తానని దేవినేని అవినాష్ హెచ్చరించారు.