Pothina Mahesh : జనసేనలో అసలు నేతలున్నారా? పవన్ కు గమ్యం తెలుసా?

ఏదో వ్యూహం ఉందని ఆయన నమ్మి తామంతా పార్టీ కోసం ఉన్న డబ్బంతా ఖర్చు పెట్టుకుంటే ఆయన చంద్రబాబు వద్ద ప్యాకేజీ తీసుకుని పార్టీని తాకట్టు పెట్టేశారన్నారు. ఈ విషయం జనసైనికులు, వీరమహిళలకు అర్థమయిందన్నారు. అందుకే ఒక్కరూ ఆపార్టీలో ఉండకుండా బయటకు వస్తున్నారన్నారు. జగన్ ను ఎదుర్కొనే దమ్ము , ధైర్యం లేకపోతే పార్టీ ని మూసేసుకోవాలని, కానీ పార్టీ నేతలను తాకట్టు పెడితే ఎలా అని ప్రశ్నించారు. జనసైనికులను జెండాలు మోసే కూలీలుగా పవన్ కల్యాణ్ చూసేంత వరకూ ఆ పార్టీ బాగుపడదని పోతిన మహేష్ అన్నారు. జనసేన ఇప్పటి వరకూ సేకరించిన నిధులన్నీ ఏమయ్యాయని ఆయన ప్రశ్నించారు. ఆయన నిధుల గురించి ఎప్పుడూ చెప్పరన్నారు. ఎప్పుడూ తన సంపాదనతోనే పార్టీని నడుపుతున్నట్లు మాట్లాడే పవన్ కల్యాణ్ సేకరించిన నిధులు ఏమయ్యాయని అన్నారు.