మరోసారి అవినాష్ రెడ్డికి నోటీసులు

వైఎస్ అవినాష్ రెడ్డి సీబీఐ అధికారులు మరోసారి నోటీసులు జారీ చేశారు. ఈ నెల 10 వతేదీన విచారణకు హాజరుకావాలని కోరారు. వైఎస్ వివేకానందరెడ్డి హత్య కేసులో మూడోసారి వైఎస్ అవినాష్ రెడ్డికి సీబీఐ నోటీసులు జారీ చేసింది. ఈరోజు తమ కార్యాలయానికి వచ్చి హాజరుకావాలని తొలుత నోటీసుల్లో పేర్కొంది. అయితే కడపలో వైసీపీ కార్యకర్తల సమావేశం ఉందని తాను ఈరోజు హాజరు కాలేదని అవినాష్ రెడ్డి సీబీఐ అధికారులకు తెలిపారు. దీంతో పులివెందులలోని ఆ ఇంటికి వెళ్లి మరోసారి నోటీసులు జారీ చేశారు.