Gold Prices : పండగపూట భారీగా తగ్గిన బంగారం ధరలు... వెండి కూడా

కానీ పెళ్లిళ్ల సీజన్ కూడా ప్రారంభం కానుండటంతో కొనుగోళ్లు ఎక్కువగానే ఉంటున్నాయని వ్యాపారులు చెబుతున్నారు. బంగారం ధరలు తగ్గడానికి అంతర్జాతీయ మార్కెట్ లో ధరల ఒడిదుడుకులు కారణమని మార్కెట్ నిపుణులు చెబుతున్నారు. కారణాలు ఏదైనా ధరలు తగ్గడం మంచిదే అయినా మరింత తగ్గితే ఇంకా మంచిదని కొనుగోలు దారులు భావిస్తున్నారు. పెరిగినప్పుడు ఎక్కువగా, తగ్గినప్పుడు తక్కువగా బంగారం ధరల విషయంలోనే మనం చూస్తుంటామని చెబుతున్నారు.

ఈరోజు దేశంలో బంగారం ధరలు భారీగా తగ్గాయి. పది గ్రాముల బంగారం ధర పై 450 రూపాయలు తగ్గింది. వెండి ధర కూడా భారీగా తగ్గింది. కిలో వెండి ధర పై వెయ్యి రూపాయలు తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 55,550 రూపాయలకు చేరుకుంది. 24 క్యారెట్ల పది గ్రాముల బంగారం ధర 60,630 రూపాయలుగా నమోదయింది. ఇక కిలో వెండి ధర 76,000 రూపాయలు పలుకుతుంది.