Gold Prices : పసిడి పతనం ప్రారంభమయిందా? ఇలా జరిగితే ఆనందమే కదా?

బంగారం ధరలలో నిత్యం పెరుగుదలే కనిపిస్తుంటుంది. తగ్గుదల అరుదుగానే చోటు చేసుకుంటుంది. అయితే గత రెండు రోజులుగా ధరలు తగ్గుతుండటంతో హ్యాపీ ఫీలవుతున్నారు. ధరలు తగ్గిన తర్వాత కొనుగోలు దారులు జ్యుయలరీ షాపులకు క్యూ కట్టే అవకాశముందని వ్యాపారులు కూడా అంచనా వేస్తున్నారు. పెళ్లిళ్ల సీజన్ కూడా ఉండటంతో ఇక కొనుగోళ్లు ఊపందుకుంటాయని భావిస్తుంటారు. బంగారంతో పాటు వెండి కూడా తగ్గుముఖం పట్టడం ఆనందదాయకమే.

దేశంలో బంగారం ధరలు భారీగా తగ్గాయి. పది గ్రాముల బంగారం ధరపై నాలుగు వందల రూపాయల వరకూ తగ్గింది. వెండి ధరలు కూడా భారీగా తగ్గాయి. కిలో వెండి ధరపై 2,300 రూపాయలు తగ్గడం విశేషం. ఈ ధరలు నిన్నటివే అయినా.. నేడు స్థిరంగా కొనసాగుతున్నాయని వ్యాపారులు చెబుతున్నారు. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 58,100 రూపాయలుగా నమోదయింది. 24 క్యారెట్ల పది గ్రాముల బంగారం ధర 63,380 రూపాయలుగా ఉంది. ఇక కిలో వెండి ధర బాగా తగ్గి ప్రస్తుతం మార్కెట్ లో 76,600 రూపాయలకు చేరుకుంది.