Gold Price Today : నవంబరు నెల మహిళలకు గుడ్ న్యూస్... బంగారం ధరలు దిగివస్తున్నాయా?

బంగారం, వెండి ధరలు భారీగా తగ్గుతున్నాయంటే అదే స్థాయిలో త్వరలోనే పెరుగుదల ఉంటుందన్నది మార్కెట్ నిపుణుల అంచనాగా వినిపిస్తుంది. అందుకే ధరలు తగ్గినప్పుడే కొనుగోలు చేయడం మంచిదని సూచిస్తున్నారు. జ్యుయలరీ దుకాణాలు కూడా అనేక ఆఫర్లతో ముందుకు రావడం కూడా వినియోగదారులకు కలసి వచ్చే అంశంగా చెబుతున్నారు. బంగారం, వెండి ధరలు ఎప్పుడూ నిలకడగా ఉండవు. నిత్యం ధరల్లో మార్పులు జరుగుతూనే ఉంటాయి. అందుకే ఈరోజు ధరలు భారీగా తగ్గాయి కాబట్టి కొనుగోలు చేయడం మంచిదని, పెట్టుబడి పెట్టే వారికి కూడా మంగళవారం కొనుగోలుకు మంచి టైమ్ అని వ్యాపారులు చెబుతున్నారు.

పసిడి ధరలు మరింత ప్రియమవుతాయని భావించి కొందరు ముందుగానే కొనుగోలుకు ఇష్టపడుతున్నారు. అందుకే జ్యుయలరీ దుకాణాలు కూడా నిన్నటి నుంచి కొంత కస్టమర్లతో కళకళలాడుతున్నాయి. అయితే మధ్యాహ్నానికి ధరలు పెరగొచ్చు. స్థిరంగా ఉండవచ్చు. తగ్గొచ్చు. ఉదయం ఆరు గంటల వరకూ ఉన్న ధరలను చూసి జ్యుయలరీ దుకాణాలకు వెళ్లవచ్చు. ఈరోజు దేశంలో బంగారం ధరలు భారీగా తగ్గాయి. వెండి ధరల్లో స్వల్పంగా తగ్గుదల కనిపించింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 72,990 రూపాయలుగా నమోదయింది. 24 క్యారెట్ల పది గ్రాముల బంగారం ధర 78,540 రూపాయలుగా కొనసాగుతుంది. కిలో వెండి ధర 1,00,500 రూపాయలుగా ట్రెండ్ అవుతుంది.