Gold Prices : భారీగా పెరిగిన బంగారం ధరలు.. బాగా తగ్గిన వెండి ఈరోజు రేట్లు?

ధన త్రయోదశి, దీపావళి వస్తున్న కారణంగా బంగారం ధరలకు మళ్లీ రెక్కలు రాక మానవు. ఆరోజు పసిడి కొనుగోలు చేయాలన్న సంప్రదాయం వస్తుండటంతో దానికి డిమాండ్ అధికంగా ఉంటుంది. డిమాండ్ కు తగిన బంగారం నిల్వలు లేకపోవడంతో ఆటోమేటిక్ గా మరలా ధరలు పెరుగుతాయి. మరోవైపు పెళ్లిళ్ల సీజన్ కూడా ప్రారంభం అయింది. దీంతో ఇక బంగారం ధరలు ఏ స్థాయికి వెళతాయో చెప్పడానికి కూడా అంచనా వేయలేం. అలా అని సంప్రదాయాలను అనుసరించి కొనుగోలు చేయలేకుండా ఉండలేం.

ఈరోజు బంగారం ధరలు దేశ వ్యాప్తంగా పెరిగాయి. పది గ్రాముల బంగారం పై వంద రూపాయలు పెరిగింది. వెండి ధర మాత్రం తగ్గింది. కిలో వెండి ధరపై ఏడు వందల రూపాయలు తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 56,600 రూపాయలకు చేరుకుంది. 24 క్యారెట్ల పది గ్రాముల బంగారం ధర 61,750 రూపాయలుగా నమోదయింది. ఇక కిలో వెండి ధర తగ్గి ప్రస్తుతం మార్కెట్ లో 77,000 రూపాయలుగా ట్రెండ్ అవుతుంది.