Gold Prices : బడ్జెట్ తర్వాత బంగారం ధరలు పెరగడానికి ఇవి సంకేతాలేగా?

బంగారం ధరలు ఎప్పుడూ పరుగులు పెడుతూనే ఉంటాయి. వాటిని నియంత్రించడం కష్టం. అందులోనూ పెళ్లిళ్ల సీజన్ కావడంతో కొనుగోళ్లు ఎక్కువగా ఉండి డిమాండ్ కూడా అధికంగా ఉంటుంది. ఈ నేపథ్యంలో కేంద్ర ప్రభుత్వం మధ్యంతర బడ్జెట్ ప్రభావం బంగారం పై పడుతుందని అందరూ అంచనా వేశారు. దానికి అనుగుణంగానే ఈరోజు బంగారం ధరల్లో పెరుగుదల కనిపించింది. రానున్న కాలంలో ధరలు మరింత పెరుగుతాయని మార్కెట్ నిపుణులు చెబుతున్నారు.

దేశంలో ఈరోజు బంగారం ధరలు పెరిగాయి. స్వల్పంగానే పెరిగాయి. వెండి ధరలు స్వల్పంగా తగ్గాయి. పది గ్రాముల బంగారం ధరపై 150 రూపాయలు మాత్రమే పెరిగినా.. భవిష‌్యత్ లో ధరలు పెరగడానికి ఇది సూచిక అని అంటున్నారు. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 58,150 రూపాయలుగా ఉంది. 24 క్యారెట్ల పది గ్రాముల బంగారం ధర 63,440 రూపాయలకు చేరుకుంది. కిలో వెండి ధర 77,800 రూపాయలుగా నమోదయింది.