Gold Prices Today : ఈరోజు బంగారం కొనుగోలు చేసే వారికి మాత్రం గుడ్ న్యూస్

అయితే ఏది ఏమైనా బంగారం ధరలు పెరగడం వల్ల కొనుగోళ్లు ఆగుతాయనుకుంటే అది భ్రమే అవుతుంది. బంగారం కేవలం ఆభరణాలుగానే కాకుండా పెట్టుబడిగా చూడటం ప్రారంభమయిన నాటి నుంచి కొనుగోళ్లు పెరిగాయి. భారత్ లో బంగారంతో బంధం ఈనాటిది కాదు. ఎన్నో ఏళ్ల నుంచి వస్తున్నది. ముఖ్యంగా మహిళలు అత్యంత ఇష్టపడే బంగారం ధరలు ఎంత పెరిగినా చివరకు కొనుగోలు చేయక తప్పింది కాదు. మదుపరులు కూడా బంగారాన్ని కొనుగోలు చేయడానికి ఎక్కువగా మక్కువ చూపిస్తారు.

ఈరోజు బంగారం ధరలు స్థిరంగా కొనసాగుతున్నాయి. వెండి ధరలు కూడా నిలకడగానే ఉన్నాయి. అయితే మార్కెట్ నిపుణుల అంచనా ప్రకారం బంగారం ధరలు భారీగా పెరిగే అవకాశముందని చెబుతున్నారు. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 66,500 రూపాయలుగా కొనసాగుతుంది. 24 క్యారెట్ల పది గ్రాముల బంగారం ధర 72,550 రూపాయలుగా నమోదయింది. కిలో వెండి ధర 98,000 రూపాయలుగా ఉంది.