Gold Rates : మగువలకు గుడ్ న్యూస్.. కింద చూపులు చూస్తున్న బంగారం ధరలు

దక్షిణ భారత దేశంలో బంగారు ఆభరణాలు ఎక్కువగా వినియోగిస్తారు. గోల్డ్ బాండ్స్ ను తక్కువగా యూజ్ చేస్తారు. అదే విదేశాల్లో గోల్డ్ బాండ్స్ కు ఎక్కువ గిరాకీ ఉంటుంది. బంగారు ఆభరణాలను కొనుగోలు చేసి దానిని దగ్గర పెట్టుకుని, భద్రపర్చేందుకు ఎవరూ ఇష‌్టపడరు. అందుకే విదేశాలు, ఉత్తర భారత దేశంలో గోల్డ్ బాండ్స్ ను ఎక్కువగా కొనుగోలు చేయడం అలవాటుగా మారింది. అయితే అందుకు భిన్నంగా దక్షిణ భారతదేశంలో బంగారు ఆభరణాలు ఎక్కువగా కొనుగోలు చేస్తుంటారు.

ఈరోజు మహిళలకు గుడ్ న్యూస్ అనే చెప్పాలి. మహిళలు ఎక్కువగా ఇష్టపడే బంగారం ధరలు కొంత దిగివచ్చాయి. ఈరోజు దేశంలో బంగారం ధరలు తగ్గాయి. హైదరాబాద్ బులియన్ మార్కెట్‌లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 57,150 రూపాయలుగా నమోదయింది. 24 క్యారెట్ల పది గ్రాముల బంగారం ధర 62,350 రూపాయలుగా ట్రెండ్ అవుతుంది. వెండి ధరలు కూడా చాలా వరకూ తగ్గుముఖం పట్టాయి. కిలో వెండి ధరపై రెండు వేల రూపాయల వరకూ తగ్గింది. దీంతో కిలో వెండి ధర 78,000 రూపాయలకు దిగి వచ్చింది.