Gold Price Today : దీపావళికి పసిడి ధరలు పెరుగుతాయట.. ఇప్పుడే కొనుగోలు చేయండి

బంగారానికి ఎప్పుడూ డిమాండ్ ఉంటుంది. అది తగ్గనే తగ్గదు. అందులోనూ భారతీయ మార్కెట్ లో బంగారానికి సంబంధించి నిత్యం కొనుగోళ్లు జరుగుతూనే ఉంటాయి. ఇప్పుడు పండగలు, పబ్బాలతో పనిలేదు. ఎప్పుడు డబ్బులుంటే అప్పుడు బంగారం కొనుగోలు చేయడం ఒక అలవాటుగా మార్చుకున్నారు. అందుకే బంగారానికి డిమాండ్ 24/7 ఉంటుందని వ్యాపారులు చెబుతున్నారు. మార్కెట్ లోకి కొత్త డిజైన్లు వచ్చినప్పుడల్లా వాటిని సొంతం చేసుకునేందుకు ప్రయత్నిస్తారు. బంగారం అంటే తేలిగ్గా అమ్మగలిగిన వస్తువు కావడం, కుదువ పెట్టి ఆర్థిక అవసరాలు తీర్చుకోవచ్చన్న కారణం కూడా కొనుగోళ్లకు ఒక కారణంగా చూడాలి.

గత కొద్ది రోజులుగా బంగారం ధరలు తగ్గుతూ, పెరుగుతూ వస్తున్నాయి. అయితే రానున్న కాలంలో ఈ ధరల నియంత్రణ ఎవరి అదుపులో ఉండదంటున్నారు నిపుణులు. అందుకే బంగారం కొనుగోలు చేయదలిచిన వారు సీజన్ ప్రారంభం కాకముందే కొనుగోలు చేయడం మంచిదని సూచిస్తున్నారు. నేడు దేశంలో బంగారం ధరలు స్వల్పంగా తగ్గాయి. పది గ్రాముల బంగారం ధరపై పది రూపాయలు తగ్గింది. వెండి ధరలు స్థిరంగా కొనసాగుతున్నాయి. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 70,940 రూపాయలుగా ఉంది. 24 క్యారెట్ల పది గ్రాముల బంగారం ధరల 77,390 రూపాయలుగా కొనసాగుతుంది. కిలో వెండి ధర 1,02,900 రూపాయల వద్ద ట్రెండ్ అవుతుంది.