Gold Prices Today : దిగి వస్తున్నాయని సంబరపడకండి.. ముందు ముందు ధరలు పెరిగే అవకాశం

అయితే గత కొద్దిరోజులుగా బంగారం ధరలు దిగి వస్తున్నాయి. పెద్దగా ధరలు తగ్గకపోయినా కొంత తగ్గుతుండటం మాత్రం బంగారం కొనుగోలు చేసే వారికి శుభవార్త అని చెప్పాలి. దీంతో అమ్మకాలు కూడా భారీగా పెరుగుతాయని వ్యాపారులు అంచనా వేస్తున్నారు. అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరల్లో హెచ్చు తగ్గులు సహజమేనని చెబుతున్నా రానున్న కాలంలో మాత్రం ధరలు పెరిగే అవకాశముందంటున్నారు.

ఈరోజు బంగరాం ధరలు స్వల్పంగా తగ్గాయి. వెండి ధరలు స్వల్పంగా పెరిగాయి. పది గ్రాముల బంగారం ధరపై పది రూపాయలు మాత్రమే తగ్గింది. కిలో వెండి ధరపై మాత్రం వంద రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 57,690 రూపాయలుగా నమోదయింది. 24 క్యారెట్ల పది గ్రాముల బంగారం ధర 62,940 రూపాయలుగా కొనసాగుతుంది. కిలో వెండి ధర మాత్రం 77,100 రూపాయలు పలుకుతుంది.