Gold Prices Today : నేడు బంగారం, వెండి ధరలు తగ్గాయి.. ఈరోజు ధరలు ఎలా ఉన్నాయంటే?

అదే సమయంలో ప్రస్తుతం ముహూర్తాలు లేకపోవడంతో ధరలు దిగి వస్తాయని వేసిన అంచనాలు కూడా పెద్దగా వర్క్ అవుట్ కాలేదు. మూడు నెలలు ముహూర్తాలు లేకపోయినా సరే కొనుగోళ్లు మాత్రం తగ్గక పోవడంతో ధరలు దిగి రావడం లేదు. ఇలాగే పెరిగితే తులం బంగారం ధర ఎనభై వేల రూపాయలకు చేరువయ్యే రోజు ఎంతో దూరం లేదు. అలాగే వెండి కిలో ధర కూడా లక్షకు దగ్గరగా ఉంది. ఇలా ధరలు పెరుగుతుండటం కొంత ఆందోళన కలిగిస్తున్నా పసిడిపై ఉన్న ప్రేమతో వాటిని కొనుగోలు చేయకుండా ఆగలేకపోతున్నారు.

ఈరోజు పసిడి ధరలు కొంత తగ్గాయి. వెండి ధరలు కూడా దేశంలో తగ్గుముఖం పట్టాయి. అయితే రెండు వస్తువుల ధరలు స్వల్పంగానే తగ్గాయి. కానీ మళ్లీ ధరలు పెరిగే అవకాశముందని కూడా మార్కెట్ నిపుణులు చెబుతున్నారు. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 68,390 రూపాయలుగా నమోదయింది. 24 క్యారెట్ల పది గ్రాముల బంగారం ధర 74,610 రూపాయలుగా ఉంది. కిలో వెండి ధర 96,400 రూపాయలుగా కొనసాగుతుంది.