ఫ్యాక్ట్ చెక్: ప్రధాని నరేంద్ర మోదీ తమ్ముడు ఆటో నడుపుతూ ఉన్నారంటూ వైరల్ అవుతున్న పోస్టుల్లో ఎలాంటి నిజం లేదు

ప్రధాని నరేంద్ర మోదీని పోలి ఉన్న ఆటో-రిక్షా డ్రైవర్ కు సంబంధించిన చిత్రం సోషల్ మీడియాలో వైరల్ అవుతూ ఉంది. అతడు ఏకంగా ప్రధాని మోదీ తమ్ముడు అనే వాదనతో ఫోటోను షేర్ చేస్తున్నారు.

 అనేక మంది సోషల్ మీడియా వినియోగదారులు, పలు సోషల్ మీడియా పేజీలు హిందీ క్యాప్షన్‌తో ఈ చిత్రాన్ని పంచుకుంటున్నాయి. ప్రధానిగా ఉన్నా కూడా ఆయన సోదరుడు ఆటో రిక్షా డ్రైవర్ గా పని చేస్తున్నారంటూ ప్రచారం చేస్తూ ఉన్నారు. "దేశాన్ని నడిపించే వ్యక్తికి సెల్యూట్ చేయాల్సిన అవసరం ఉంది, ఆయన తమ్ముడు ఆటో రిక్షా డ్రైవర్‌గా కొనసాగుతున్నాడు." అనే వాదనతో ఫోటోను వైరల్ చేస్తున్నాడు. ఈ ఆటో రిక్షా డ్రైవర్ ఫోటో చాలా కాలంగా సోషల్ మీడియాలో చక్కర్లు కొడుతూ ఉండడం గమనించదగ్గ విషయం.