నితిన్ ని హర్ట్ చేసిన సుకుమార్..!

ఈమధ్య మన టాలీవుడ్ హీరోస్ లైన్ చెబితే సినిమా ఓకే చేయడం లేదు. పూర్తిగా బౌండెడ్ స్క్రిప్ట్ ఉంటేనే సినిమాను ఓకే చేస్తున్నారు. డైరెక్టర్ సుకుమార్ ఇప్పుడు అటువంటి సమస్యే ఎదురుకుంటున్నాడు. మహేష్ కు సుకుమార్ ఓ లైన్ చెబితే పూర్తి స్క్రిప్ట్ కావాలని మహేష్ కోరాడు. దీంతో ఈలోపే బన్నీ – సుకుమార్ కాంబినేషన్ లో సినిమాను అనౌన్స్ చేసారు. బన్నీకి కూడా బౌండెడ్ స్క్రిప్ట్ ఇవ్వాల్సిందే. ఇప్పుడు ఇదే పెద్ద సమస్య. ఇదిలా ఉంటే డైరక్షన్ వ్యవహారాలు పక్కనపెట్టి, తన శిష్యుల డైరక్షన్ లో సినిమాల నిర్మాణానికి సుకుమార్ శ్రీకారం చుట్టారు. అందులో ఒకటి ఆగిపోయింది. కారణం బౌండెడ్ స్క్రిప్ట్ లేకపోవడమే.

నితిన్ కూడా చెప్పేశాడు

నితిన్ – సూర్య ప్రతాప్ కాంబినేషన్ లో ఓ సినిమా రాబోతుంది. ఈ సినిమాకి సుకుమారే నిర్మాత. అయితే ఈ సినిమాకు లైన్, కథ కాదు, బౌండెడ్ స్క్రిప్ట్ తో కావాలని హీరో నితిన్ పట్టుపట్టాడట. ఇప్పటికీ అదే మాట మీద ఉన్నాడు నితిన్. విషయం తెలుసుకున్న సుకుమార్ ‘హీరోని వచ్చి కొబ్బరికాయ కొట్టి, సినిమా పక్కా చేయమను, అప్పుడు బౌండెడ్ స్క్రిప్ ఇద్దాం’ అని చెప్పమన్నాడట. అందుకు నితిన్ హర్ట్ అయ్యి ‘ఈ కండిషన్లేంటీ.. సమస్య లేదు, సినిమా చేసేది లేదు’ అని తెగేసి చెప్పడట. దీంతో సినిమా ఆగిపోయింది. అంతే కాదు నితిన్ మరొక ప్రాజెక్ట్ కూడా రెడీ చేసుకున్నాడట. మహేష్ బాబు, నితిన్ మాత్రమే కాదు మరే బాబు అయినా స్క్రిప్ట్ చూపించకుండా సినిమాలు చేసే పరిస్థితి ఇప్పుడు లేదు. మరి సుకుమార్ ఇది అర్ధం చేసుకుంటే మంచిది.