Delivery: ప్రెగ్నెన్సీ సమయంలో నెయ్యి ఎక్కువగా తింటే నార్మల్ డెలివరీ అవుతుందా?

గర్భం అనేది స్త్రీ జీవితంలో ఎన్నో ఒడిదుడుకులను తెస్తుంది. ఈ 9 నెలల్లో ఆమె డెలివరీ సాధారణంగా జరిగేలా ఆమెకు చాలా సలహాలు ఇస్తారు. బిడ్డకు సహజ ప్రసవం నార్మల్ డెలివరీ అయినప్పటికీ ఇప్పుడు మారుతున్న జీవనశైలి కారణంగా నార్మల్ డెలివరీ కాకుండా సిజేరియన్ కేసులు పెరుగుతున్నాయి.

నెయ్యితో సాధారణ ప్రసవం సాధ్యమా?

మూడవ త్రైమాసికంలో నెయ్యి ఎక్కువగా తింటే నార్మల్ డెలివరీకి దారి తీస్తుందని సాధారణ డెలివరీకి ఇచ్చే సలహాలలో ఒకటి. నెయ్యి తినడం ద్వారా పిల్లల ప్రసవం ఎటువంటి ఆలస్యం లేకుండా సులభంగా, నార్మల్‌ డెలివరీ అయ్యేందుకు ఆస్కారం ఉంటుందని భావిస్తుంటారు. కానీ నిపుణుల అభిప్రాయం ప్రకారం, ఇందులో వాస్తవం లేదు.

నిపుణులు ఏమంటారు?

సీనియర్ గైనకాలజిస్ట్, IVF స్పెషలిస్ట్ డాక్టర్ సుశీలా గుప్తా మాట్లాడుతూ.. మీ BMI ప్రకారం.. గర్భధారణ సమయంలో 5 నుండి 8 టీస్పూన్ల కొవ్వును తీసుకోవడం అవసరం. వీటిలో మీరు 12% సంతృప్త కొవ్వును మాత్రమే తీసుకోవచ్చు. అంటే 1 లేదా 2 స్పూన్ల నెయ్యి రోజువారీ. పాలతో నెయ్యి తీసుకుంటే నార్మల్ డెలివరీ అవుతుందనేది అపోహ. అందువల్ల మనకు ఇతర పోషకాలతోపాటు నెయ్యి కూడా చాలా అవసరం. నెయ్యి ఎక్కువగా తినడం వల్ల మీ బరువు పెరుగుతారు. ఇది సిజేరియన్ ప్రమాదాన్ని పెంచుతుందంటున్నారు నిపుణులు. అందుకే గర్భధారణ సమయంలో మనం నెయ్యి అవసరమైనంత మాత్రమే తీసుకోవాలి. అవసరం కంటే ఎక్కువ నెయ్యి తీసుకోవడం వల్ల అనేక సమస్యలు వస్తాయి.

- పెరిగిన మలబద్ధకం

– బరువు పెరగడం వల్ల సిజేరియన్ డెలివరీ అవకాశాలు పెరుగుతాయి

- డెలివరీ తర్వాత బరువు తగ్గడం కష్టం

- పిల్లలు అనవసరమైన బరువు పెరగడం

- నెయ్యి వల్ల వికారంగా అనిపిస్తుంది

అందుకని డాక్టర్ తో మాట్లాడిన తర్వాత నెయ్యి అవసరం మేరకు తీసుకోండి. అలా చేయడం వల్ల నార్మల్ డెలివరీ ప్రక్రియలో సమస్యలు ఎక్కువవుతాయి. ఎవరి సలహాలతో మీరు మోసపోకండి. ఏవైనా అనుమానాలు ఉంటే వైద్యులన్ని సంప్రదించడం మేలు. సాధారణ డెలివరీ కోసం మూడవ త్రైమాసికంలో మీ శారీరక శ్రమను పెంచండి. రోజూ అరగంట సేపు నడవండి. అలాగే తేలికపాటి వ్యాయామం చేయండి. 

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.