Parenting Tips: పిల్లల పట్ల తల్లిదండ్రులు ఇలా ప్రవర్తంచకండి.. వారిలో ఆత్మవిశ్వాసం తగ్గుతుంది!

Parenting Tips: పిల్లల ఆత్మవిశ్వాసం వారి జీవితంలో చాలా ముఖ్యమైన పాత్ర పోషిస్తుంది. ఆత్మవిశ్వాసంతో పిల్లలు తమ లక్ష్యాలను సాధించి జీవితంలో రాణించగలుగుతారు. కానీ, కొన్నిసార్లు తల్లిదండ్రుల కొన్ని మాటలు పిల్లల్లో ఆత్మవిశ్వాసాన్ని తగ్గిస్తాయి. పిల్లల భవిష్యత్తును దృష్టిలో పెట్టుకుని తల్లిదండ్రులు ఎన్నో ప్రయత్నాలు చేస్తుంటారు. కానీ ఒక్కోసారి తమకు తెలియకుండానే పిల్లల్లో ఆత్మవిశ్వాసాన్ని తగ్గిస్తారు. తల్లిదండ్రులు తరచుగా తెలియకుండా చేసే పనులు, పిల్లల ఆత్మవిశ్వాసాన్ని తగ్గించే కొన్ని విషయాల గురించి తెలుసుకుందాం.

1. ఇతర పిల్లలతో పోలిక

తల్లిదండ్రులు తరచుగా పిల్లలను ఇతరులతో పోల్చి చూస్తారు. ఉదాహరణకు "మీ స్నేహితుడు అలా చేశాడు.. నువ్వెందుకు చేయలేదు.. నువ్వు ఎప్పటికి చదువులో రాణించలేవు.. నీ తోటి మిత్రున్ని చూసి నేర్చుకో.. అనే మాటలు పిల్లల్లో ఆత్మవిశ్వాసాన్ని దెబ్బతిస్తాయని సైకాలజీ నిపుణులు చెబుతున్నారు.

2. పిల్లలపై ఎక్కువ ఒత్తిడి పెట్టడం:

నువ్వు టాప్ ర్యాంక్ తెచ్చుకోవాలి.. లేకపోతే నీ పని అంతే.. అని తల్లిదండ్రులు పిల్లలపై చాలా ఒత్తిడి తీసుకువస్తుంటారు. దీంతో పిల్లల్లో ఒత్తిడి, ఆందోళన ఏర్పడి వారిలో ఆత్మవిశ్వాసం తగ్గుతుంది.

3. మీరు పిల్లలను సరిగ్గా లేరని అనడం

పిల్లలలో ఆత్మవిశ్వాసాన్ని తగ్గించడానికి ఇది సరిపోతుంది. దీనివల్ల పిల్లలు సరైన స్థితిలో లేరని పదేపదే వారి మాటలతో దెప్పిపొడవడం వల్ల వారిలో ఆత్మ విశ్వాసం కొరవడుతుంది. వారిని తక్కువగా చూసి మాట్లాడటం వల్ల పిల్లలలో తక్కువ ఆత్మగౌరవాన్ని కలిగిస్తుంది.

4. పిల్లల తప్పుల గురించి ఎక్కువగా ఆందోళన చెందడం

తల్లిదండ్రులు పిల్లల తప్పుల గురించి ఎక్కువగా ఆందోళన చెందుతారు. "నువ్వు మళ్ళీ తప్పు చేశావు, మీరు ఎప్పటికీ ఏమీ నేర్చుకోలేరు" వంటి మాటలతో పదేపదే తిట్టడం. దీంతో పిల్లల్లో తప్పులు జరుగుతాయనే భయం ఏర్పడి వారిలో ఆత్మవిశ్వాసం తగ్గుతుంది.

5. పిల్లలకు ఎల్లప్పుడూ ఇతరుల కంటే మెరుగ్గా ఉండాలని బోధించడం

తల్లిదండ్రులు తరచూ పిల్లలకు ఇతరుల కంటే మెరుగ్గా ఉండాలని బోధిస్తారు. ఉదాహరణకు "మీరు వారి కంటే మెరుగ్గా ఉండాలి. లేకపోతే మీరు విజయం సాధించలేరు.. అంటూ అనడం పిల్లలలో పోలిక అనుభూతిని కలిగిస్తుంది.

ఇలాంటి వాటిని నివారించడం ద్వారా తల్లిదండ్రులు తమ పిల్లల్లో ఆత్మవిశ్వాసాన్ని పెంచవచ్చు. ప్రతి ఒక్కరికి వారి స్వంత సామర్ధ్యం ఉందని, ఇతరులతో పోల్చకుండా ఉండాలి. పిల్లలను తిట్టే బదులు వారి తప్పులను వివరించాలి. పిల్లలను ఎల్లప్పుడూ ప్రోత్సహించాలి. వారు ఏదైనా చేయగలరని నమ్మేలా చేయాలి. ఏదైనా తప్పు చేస్తే ఇతర పిల్లలతో ఎట్టి పరిస్థితుల్లో పోల్చవద్దని సైకాలజీ నిపుణులు చెబుతున్నారు.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.