Ginger Water: ఉదయాన్నే ఖాళీ కడుపుతో అల్లం నీళ్లు తాగితే ప్రయోజనాలు ఏంటి?

Ginger Water: కొన్ని చిట్కాలు పాటించడం వల్ల ఆరోగ్యంగా ఉండవచ్చంటున్నారు ఆరోగ్య నిపుణులు. ఈ రోజుల్లో ప్రతి ఒక్కరికి ఏదో ఒక అనారోగ్య సమస్య తలెత్తుతోంది. ప్రస్తుత జీవనశైలిలో చాలా మంది అనారోగ్యం బారిన పడుతున్నారు. ప్రతి ఒక్కరు జీవనశైలిలో మార్పులు చేసుకోవడం వల్ల ఆరోగ్యంగా ఉండవచ్చు. ఇక ఉదయం నిద్రలేవగానే ప్రతి ఒక్కరికి టీ తాగే అలవాటు ఉంటుంది. ఉదయం అల్లం టీ తాగితే ఎంతో మేలంటున్నారు నిపుణులు. ఆయుర్వేదంలో కూడా అల్లం మందుల తయారీలో ఉపయోగిస్తుంటారు. ఈ ఆరోగ్య ప్రయోజనాల కారణంగానే ఇది పురాతన వైద్యంలో వివిధ వ్యాధులను నివారించడానికి ఒక మూలికగా ఉపయోగిస్తున్నారు. మీరు హెల్తీ డైటర్ అయితే ఉదయాన్నే అల్లం నీటిని తీసుకోవడం మంచిది. ఇది అల్లం అన్ని ప్రయోజనాలను మీ శరీరంలోకి గ్రహించేలా చేస్తుంది. హెల్త్ షాట్స్ పోషకాహార నిపుణుడు అవనీ కౌల్ ఖాళీ కడుపుతో అల్లం రసం తీసుకోవడం వల్ల కలిగే ఆరోగ్య ప్రయోజనాల గురించి తెలియజేశారు.

ఉదయాన్నే అల్లం నీటితో ప్రయోజనాలు ఏమిటి?

అల్లంలో విటమిన్ సి, కాల్షియం, ఐరన్, కాపర్, జింక్, మాంగనీస్, క్రోమియం వంటి అవసరమైన పోషకాలు, విటమిన్లు పుష్కలంగా ఉన్నాయి. ఖాళీ కడుపుతో అల్లం రసం తీసుకోవడం వల్ల అనేక ఆరోగ్య ప్రయోజనాలు లభిస్తాయి. హెల్త్ షాట్స్ పోషకాహార నిపుణుడు అవనీ కౌల్ తెలిపిన వివరాల ప్రకారం..

1. అల్లం రసం జీర్ణ సమస్యల నుండి ఉపశమనం కలిగిస్తుంది. ఇది అజీర్ణం, ఉబ్బరం, వికారం నుండి ఉపశమనం పొందడంలో సహాయపడుతుంది. అంతేకాదు అల్లం నీటిని తాగడం వల్ల శరీరంలోని చెడు కొలెస్ట్రాల్‌ను తొలగించడంలో లేదా తగ్గించడంలో సహాయపడుతుంది. ఇది గుండె జబ్బుల ప్రమాదాన్ని దూరంగా ఉంచడంలో సహాయపడుతుంది.

2. అల్లంలో ఉండే యాంటీ ఇన్‌ఫ్లమేటరీ గుణాలు కీళ్ల నొప్పుల నుంచి ఉపశమనం కలిగిస్తాయి. ఆర్థరైటిస్‌తో బాధపడేవారికి ఇది మేలు చేస్తుంది. అదనంగా, అల్లం ఈ లక్షణం మంటను కలిగించే సూక్ష్మజీవులు, హానికరమైన బ్యాక్టీరియాతో పోరాడుతుంది.

3. ఇది సహజ రోగనిరోధక శక్తిగా పనిచేస్తుంది. ఇన్ఫెక్షన్లతో పోరాడటానికి శరీరాన్ని బలపరుస్తుంది. ఈ రసం రక్తంలో చక్కెర స్థాయిలను నియంత్రిస్తుంది.

4. అల్లం రసంలోని యాంటీఆక్సిడెంట్ కంటెంట్ సెల్యులార్ ఆరోగ్యానికి సహాయపడుతుంది. దీర్ఘకాలిక వ్యాధుల ప్రమాదాన్ని తగ్గించేందుకు దోహపడుతుంది.

5. గర్భధారణ సమయంలో సహజంగా వచ్చే వికారాన్ని అల్లం నివారిస్తుంది. విశ్రాంతి లేకపోవడం, మైగ్రేన్‌లు లేదా మార్నింగ్ సిక్‌నెస్‌తో బాధపడేవారికి ఇది చాలా ఉపయోగకరంగా ఉంటుంది. అంతే కాకుండా ఇది సాధారణ కడుపు సమస్యలను నయం చేయడంలో సహాయపడుతుంది.

6. అల్లం రసం జీవక్రియను పెంచడం ద్వారా బరువు నిర్వహణలో సహాయపడుతుందని అవనీ కౌల్ చెప్పారు. మీ జీర్ణవ్యవస్థను ఉత్తేజపరిచేందుకు, రోగనిరోధక శక్తిని పెంచడానికి, మొత్తం శ్రేయస్సును నిర్వహించడానికి అల్లం రసంతో మీ రోజును ప్రారంభించండి.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.