హైదరాబాద్ లో భారీ ధర పలికిన ఫ్యాన్సీ నెంబర్లు

తమ వాహనాలకు ఫ్యాన్సీ నెంబర్లు ఉండాలని బడా బాబులు, ప్రముఖ సంస్థలు, సెలెబ్రిటీలు.. ఎప్పుడూ భావిస్తూ ఉంటారు. అందుకే ఫ్యాన్సీ నెంబర్ల మీద దృష్టి పెడుతూ ఉంటారు. దీంతో ఆ నెంబర్లకు భారీ డిమాండ్ ఉండనే ఉంటుంది. తాజాగా హైదరాబాద్ నగరంలో ఫాన్సీ నెంబర్లకు వేలం నిర్వహించగా.. భారీ ధరలు పలికాయి. ఖైరతాబాద్ ఆర్టీఏ కార్యాలయంలో మంగళవారం ఒక్కరోజే ఫ్యాన్సీ నెంబర్ల వేలం ద్వారా 53,34,894 రూపాయల ఆదాయం వచ్చింది. వేలంలో అత్యధికంగా టీఎస్ 09 జీసీ 9999 నెంబర్ రూ. 21,60,000లు పలికింది. అత్యల్పంగా టీఎస్ 09 జీడీ 0027 రూ. 1,04,999కి కొనుగోలు చేశారు.