Alert : హైదరాబాద్ లో 33 ఎంఎంటీఎస్ రైళ్లు రద్దు

హైదరాబాద్ ప్రయాణికులకు గమనిక. నగరంలో మూడు రోజుల పాటు ఎంఎంటీఎస్ రైళ్లను రద్దు చేస్తున్నట్లు దక్షిణ మధ్య రైల్వే ప్రకటించింది. మూడురోజుల్లో మొత్తం 33 రైళ్లను రద్దు చేస్తున్నట్టు దక్షిణ మధ్య రైల్వే ప్రకటించింది. సాంకేతిక కారణాలతోనే వీటిని నిలిపివేస్తున్నట్టు అధికారులు తెలిపారు. ప్రయాణికులు ఈ విషయాన్ని గుర్తించి సహకరించాలని కోరింది. సాంకేతిక సమస్యలు పరిష్కారమయ్యాక తిరిగి రైళ్లను పునరుద్ధరించనున్నట్లు వెల్లడించారు.