Allu Arjun : అల్లు అర్జున్ విడుదల ఆలస్యమవ్వడానికి కారణాలేంటి?

అయితే అల్లు అర్జున్ న్యాయవాదులు మాత్రం కావాలనే అల్లు అర్జున్ ను జైలు అధికారులు రాత్రంతా జైలులో ఉంచారని చెబుతున్నారు. వెంటనే అల్లుఅర్జున్ ను విడుదల చేయాలని కోర్టు ఆదేశించినా జైలు అధికారులు నిబంధనల పేరిట ఆలస్యం చేశారని అన్నారు. జైలు అధికారులపై కోర్టు థిక్కారణ కేసు వేసే అవకాశాన్ని పరిశీలిస్తామని అల్లు అర్జున్ న్యాయవాదులు తెలిపారు. అయితే గీతా ఆర్ట్స్ కార్యాలయం, అల్లు అర్జున్ నివాసం వద్ద పెద్దయెత్తున పోలీసులు బందోబస్తును ఏర్పాటు చేశారు.

కానీ జైలు అధికారులు మాత్రం తమకు న్యాయమూర్తి ఇచ్చిన బెయిల్ ఆదేశాలు స్టాంప్ తో లేనివి తొలుత తెచ్చారని, వాటిని తాము పరిగణనలోకి తీసుకోమని చెబుతున్నారు. నేరుగా తమకు న్యాయమూర్తి సంతకంతో ఉన్న బెయిల్ విడుదల పత్రాలు అందాల్సి ఉండగా, వాటిని సమర్పించడంలో అల్లు అర్జున్ లాయర్లు నిబంధనలను పాటించలేదని చెబుతున్నారు. మొత్తం మీద లాయర్ల నిర్వాకమో? జైలు అధికారుల నిబంధనలకు పట్టుబట్టిన కారణం వల్లనో అల్లు అర్జున్ మాత్రం ఈరోజు ఉదయం 6.45 గంటలకు విడుదలయ్యారు.