హైదరాబాద్‌కు రెడ్ అలర్ట్

బంగాళాఖాతంలో రెండు ఆవర్తనాలు, ద్రోణితో వాతావరణ శాఖ హైదరాబాద్ వాసులను అప్రమత్తం చేసింది. హైదరాబాద్‌లో భారీ వర్షం కురిసే అవకాశముందని తెలిపింది. జంటనగరాల్లో ఈదురుగాలులతో కూడిన వర్షం కురిసే అవకాశం ఉందని తెలిపింది. ఇప్పటికే హైదరాబాద్ నగరంలో వర్షం కురుస్తుంది. తెలంగాణకు భారీ వర్ష సూచన చేసింది. రానున్న మూడు రోజులు తెలంగాణలో వర్షాలు కురుస్తాయని వాతావరణ శాఖ తెలిపింది. ఇప్పటికే హైదరాబాద్ లో వర్షం దంచికొడుతుంది. పలు ప్రాంతాల్లో రహదారులు నీటమునిగాయి.