జర్మనీలో మోదీ పర్యటన.. పిల్లాడి పాటకు చిటికెలు !
బెర్లిన్ విమానాశ్రయంలో మోదీకి అధికారులు, ప్రవాస భారతీయులు స్వాగతం పలికారు. మూడు రోజుల ఐరోపా పర్యటనలో ..
బెర్లిన్ : భారత ప్రధానమంత్రి నరేంద్రమోదీ నేటి నుంచి మూడ్రోజుల పాటు విదేశాల్లో పర్యటించనున్నారు. పర్యటనలో భాగంగా నేడు మోదీ జర్మనీ చేరుకున్నారు. బెర్లిన్ విమానాశ్రయంలో మోదీకి అధికారులు, ప్రవాస భారతీయులు స్వాగతం పలికారు. మూడు రోజుల ఐరోపా పర్యటనలో భాగంగా మోదీ జర్మనీ, డెన్మార్క్, ఫ్రాన్స్ దేశాలు సందర్శించనున్నారు. ఆయా దేశాల అధినేతలతో సమావేశమై పలు అంశాలపై చర్చించి, ఐరేపా దేశాలతో భారత్ బంధాన్ని పటిష్టం చేసే దిశగా మోదీ చర్చలు జరపనున్నారు.
అనంతరం డెన్మార్క్ ప్రధాని ఆహ్వానం మేరకు ప్రధాని మోదీ కోపెన్‌హాగన్ వెళ్లనున్నారు. అక్కడ డెన్మార్క్ ప్రభుత్వం ఆతిథ్యమిస్తున్న 2వ ఇండియా-నార్డిక్ సమ్మిట్‌లో మోదీ పాల్గొననున్నారు. ఈ సదస్సులో ఐస్‌ల్యాండ్, నార్వే, స్వీడన్, ఫిన్‌లాండ్ దేశాల ప్రధానమంత్రులతో మోదీ చర్చించనున్నారు. కరోనా అనంతరం ఆర్ధిక పరిస్థితులు, వాతావరణ మార్పులు, నూతన ఆవిష్కరణలు, పునరుత్పాదక ఇంధన వనరులు, ప్రపంచ భద్రత వంటి అంశాలు ఈ భేటీలో చర్చకు వచ్చే అవకాశం ఉంది. మే4న ప్రధాని మోదీ తిరుగు ప్రయాణంలో ప్యారిస్‌లో ఆగి ఫ్రాన్స్ అధ్యక్షుడిగా ఇటీవల తిరిగి ఎన్నికైన ఇమ్మాన్యుయేల్ మెక్రాన్‌తో చర్చలు జరుపుతారు.