తీరం దాటిన మోచా.. తీరంలో అల్లకల్లోలం.. సురక్షిత ప్రాంతాలకు 5 లక్షల మంది

భారీ వర్షాల నేపథ్యంలో కొండచరియలు విరిగిపడే ప్రమాదం ఉందని వాతావరణ విభాగం హెచ్చరించింది. కాక్స్ బజార్(బంగ్లాదేశ్), క్యయుక్ ప్యూ (మయన్మార్)ల మధ్య మోచా తుపాను తీరం దాటింది. పశ్చిమ బెంగాల్ లోనూ అధికారులు అప్రమత్తమయారు. పుర్బా మేదినీపూర్, దక్షిణ 24 పరగణాల జిల్లాల్లో ఎన్డీఆర్ఎఫ్ బృందాలను రంగంలోకి దింపారు. ఐదో కేటగిరీ తుపానుగా మోచా రూపుదాల్చడంతో బంగ్లాదేశ్, మయన్మార్ లు అప్రమత్తమయ్యాయి. 5 లక్షల మందిని సురక్షిత ప్రాంతాలకు తరలించారు. ప్రజల కోసం 1500 తాత్కాలిక ఆశ్రయాలను ఏర్పాటు చేశారు. కాగా.. రెండు దశాబ్దాల్లో బంగ్లాదేశ్ ఎదుర్కొంటున్న అతిపెద్ద శక్తివంతమైన తుపాను ఇదేనని అధికారులు హెచ్చరించారు.