ఘోర అగ్నిప్రమాదం.. మంటలు చెలరేగి 13మంది సజీవదహనం

అమెరికాలోని ఫిలడెల్పియాలో ఘోర అగ్నిప్రమాదం జరిగింది. ఓ ఇంట్లో అకస్మాత్తుగా మంటలు చెలరేగడంతో జరిగిన ఈ అగ్నిప్రమాదంలో 13 మంది సజీవదహనమయ్యారు. మృతుల్లో ఏడుగురు చిన్నారులు కూడా ఉన్నట్లు తెలుస్తోంది. కాగా.. ఈ ప్రమాదంలో తీవ్రంగా గాయపడిన మరో ఇద్దరు ఆస్పత్రిలో చికిత్స పొందుతున్నారు. ఫెయిర్ మౌంట్ ప్రాంతంలోని ఓ భవనంలో రెండో అంతస్తులో మంటలు చెలరేగాయి. స్థానికుల సమాచారంతో అక్కడికి చేరుకున్న అగ్నిమాపక సిబ్బంది.. రెండవ అంతస్తుకు చేరుకునేందుకు భారీ నిచ్చెనలను ఉపయోగించారు.