గుండెపోటుతో చైనా మాజీ ప్రధాని లీ కెకియాంగ్ మృతి

68 ఏళ్ల వయసులో లీ కెకియాంగ్ మరణించడం పట్ల చైనీయులు ఆవేదన వ్యక్తం చేస్తున్నారు. ఒక్కసారిగా గుండెపోటు రావడంతో ఆయనను ఈరోజు తెల్లవారు జామున ఆసుపత్రికి తరలించారు. అయినా ఫలితం లేదు. చికిత్స పొందుతూ మరణించారని చైనా మీడియా ప్రకటించింది. ఆయన కొంతకాలంగా షాంఘై నగరంలోనే ఉంటున్నారు. చైనా ఆర్థిక సంస్కరణల్లో కీలక భూమిక పోషించిన నేతగా లీ కెకియాంగ్ గుర్తింపు పొందారు. ఆయన సారధ్యంలో చైనా మరింత అభివృద్ధి చెందుతుందని ప్రజలు కూడా ఆశించారు.