ఇస్లామాబాద్ హైకోర్టు వద్ద పాక్ మాజీ ప్రధాని అరెస్ట్

ఇమ్రాన్ ఖాన్ ను అరెస్ట్ చేసే సమయంలో కోర్టులో ఘర్షణ జరిగినట్లు సమాచారం. వందలాది మంది పాక్ రేంజర్లు ఇమ్రాన్ ను తీసుకెళ్లిన వీడియోలు నెట్టింట వైరల్ అవుతున్నాయి. పీటీఐ పార్టీ ఆయా వీడియోలను జత చేసి ట్వీట్ చేసింది. ఇమ్రాన్ ను అరెస్ట్ చేసేందుకు హైకోర్టు లోపలికి వెళ్లేందుకు రేంజర్లు ప్రయత్నించడం, అద్దాలను పగులగొట్టడం వీడియోల్లో స్పష్టంగా కనిపించింది. ఈ క్రమంలో ఇమ్రాన్ తరపు లాయర్లకు గాయాలయ్యాయి. ఆ తర్వాత ఆయన్ను రహస్య ప్రాంతానికి తరలించినట్లు స్థానిక మీడియా తెలిపింది.