బ్రెజిల్ లో కుండపోత వర్షం.. 14 మంది మృతి

గడిచిన 48 గంటల్లో 655 మిల్లీమీటర్లు (26 అంగుళాలు) వర్షం పడినట్లు అధికారులు వెల్లడించారు. అలాగే మున్సిపాలిటీలో గతంలో ఎన్నడూలేని విధంగా వర్షపాతం నమోదైంది. ఈ వర్షాల కారణంగా నగరంలో ఆరుగురు మరణించినట్లు అధికారులు గుర్తించారు. కొండచరియలు విరిగినపడిన పారాటీ పట్టణంలో ఏడుగురు మరణించగా.. మరో నలుగురు గాయపడ్డారు. 71 కుటుంబాలు నిరాశ్రయులయినట్లు అధికారులు వెల్లడించారు. అంగ్రా డాస్ రీస్ నగరంలో భారీ వర్షాలకారణంగా తొమ్మిది మంది వరదల్లో చిక్కుకుని తప్పిపోయినట్లు అధికారులు తెలిపారు. పారాటీలో ఒక్కరోజులోనే 332 మిమీ వర్షపాతం నమోదైంది.