అత్యంత అందమైన మహిళలు భారతీయులే.. పురుషుల అందంలో ఆ దేశం టాప్

ప్రతి సంవత్సరం ప్రపంచ వ్యాప్తంగా ఉన్న కొందరు మహిళలకు అందం పోటీలు నిర్వహిస్తే ఎవరో ఒకరు విశ్వ సుందరిగా, ప్రపంచ సుందరిగా నిలుస్తుంటారు. కానీ ఓ సంస్థ ఒక అధ్యయనం నిర్వహించి.. ప్రపంచంలోకెల్లా అందమైన మహిళలు, అందమైన పురుషులు ఏయే దేశాల్లో ఉన్నారో పేర్కొంటూ ఒక్కో దేశానికి ఒక్కో ర్యాంక్ కేటాయించింది. అందమైన మహిళలున్న దేశాల లిస్ట్ లో భారత్ టాప్ ప్లేస్ లో ఉండగా.. అందమైన పురుషుల లిస్ట్ లో రెండో స్థానంలో నిలిచింది. యూకేకు చెందిన మల్టీనేషనల్ వస్త్రాల కంపెనీ "పోర్ మోయి" ఆర్టిఫిషియల్ ఇంటెలిజెన్స్ ఆధారంగా.. ప్రముఖ సోషల్ మీడియా యాప్ రెడ్డిట్ లో గతేడాది అప్ లోడ్ చేసిన ఫొటోలను పరిగణలోకి తీసుకుని ఓ అధ్యయనం చేసింది.