అగ్రరాజ్యాన్ని కలవరపెడుతోన్న డెల్మిక్రాన్.. మరో వేరియంటా ?

లక్షల కొద్దీ కరోనా కేసులతో అమెరికా, బ్రిటన్ దేశాలు చిగురుటాకులా వణికిపోతున్నాయి. అగ్రరాజ్యంలో రోజువారీ కేసులే 2 లక్షలు దాటేయగా.. బ్రిటన్ లో వరుసగా రెండవ రోజు లక్షల పాజిటివ్ కేసులు నిర్థారణయ్యాయి. అమెరికాలో గడిచిన 24 గంటల్లో 2 లక్షల 65 వేల 32 మందికి కోవిడ్ పాజిటివ్ గా తేలింది. ఈ ఏడాది జనవరి, సెప్టెంబర్ తర్వాత అక్కడ ఈ స్థాయిలో కేసులు నమోదవ్వడం ఇదే తొలిసారి. ఒమిక్రాన్ కేసుల సంఖ్య కూడా వేగంగా పెరుగుతోంది. ఇక బ్రిటన్ విషయానికొస్తే.. ఒక్కరోజే లక్ష 20 వేల కేసులు నమోదయ్యాయి. వరుసగా రెండవరోజు లక్షకు పైగా కేసులు బయటపడటంతో.. బ్రిటన్ వాసులంతా వణికిపోతున్నారు. ఫ్రాన్స్, స్పెయిన్, ఇటలీ, కెనడాల్లోనూ కరోనా కేసులు భారీగా నమోదవుతున్నాయి. ఇలా కేసులు నమోదవ్వడం వెనుక డెల్మిక్రాన్ ఉండవచ్చని నిపుణులు చెప్తున్నారు.