నవజాత శిశువుల్ని చంపిన తల్లి.. ఏళ్ల తరబడి అందులో దాచి ?

2018లో ఆమె ఒక పాపకు జన్మనిచ్చింది. నవజాత శిశువుని చంపి ఫ్రిడ్జ్ లో ఉంచింది. 2019లో మరో పాప పుట్టగా.. ఆ శిశువుని కూడా కర్కశంగా చంపేసి, ఫ్రిడ్జ్ లో దాచిపెట్టింది. ఆసుపత్రిలో డెలివరీ అయినట్లు రికార్డులు ఉన్నాయి. కానీ పిల్లల పేర్లు నమోదు చేసినట్లు లేకపోవడంతో అధికారులకు అనుమానం వచ్చింది. ఆరా తీయగా ఈ దారుణం వెలుగు చూసింది. తన నవజాత శిశువులను చంపినట్లు ఆ మహిళ అంగీకరించింది. ఆర్థిక ఇబ్బందుల కారణంగానే పిల్లల్ని చంపినట్లు తెలిపింది. అయితే ఈ హత్యల గురించి తనకు తెలియదని సదరు మహిళ భర్త చెప్పడం పోలీసులను షాక్ కు గురిచేసింది. రెండుసార్లు అబార్షన్ చేయించుకున్నట్లు మాత్రమే చెప్పిందన్నాడు. మహిళపై అధికారుల ఫిర్యాదుతో కేసు నమోదు చేసుకున్న పోలీసులు దర్యాప్తు చేపట్టారు. తొలుత ఆ మహిళ దర్యాప్తుకు సహకరించకపోవడంతో.. సెర్చ్ వారెంట్ తో వచ్చి, ఇంట్లో సోదాలు చేయడంతో అసలు విషయం వెలుగుచూసింది. ఫ్రిడ్జ్ లోని రెండు మృతదేహాలను పోలీసులు స్వాధీనం చేసుకున్నారు. సదరు మహిళను అరెస్ట్ చేశారు.