నాకు చాలా తీవ్రమైన గుండెపోటు వచ్చింది.. కానీ : సుస్మితా సేన్

తనకు వచ్చిన గుండెపోటు చాలా తీవ్రమైనదని సుస్మితా పేర్కొంది. గుండెకు రక్తం సరఫరా చేసే ప్రధాన రక్తనాళంలో 95 శాతం మూసుకుపోయింది. యాంజియో ప్లాస్టీ చేశారు. స్టెంట్ వేశారు. నా జీవితంలో అది ఒక దశ. ఇప్పుడది గడిచిపోయింది. కానీ.. నేనేమీ భయపడలేదు అని సుస్మితా పేర్కొంది. తన ప్రాణాలను కాపాడిన వైద్యులకు ధన్యవాదాలు తెలిపారు. కాగా.. సుస్మితా గుండెపోటుకు గురైందన్న వార్తలు వచ్చినప్పటి నుంచి అభిమానులు.. ఆమె త్వరగా కోలుకోవాలని ప్రార్థిస్తూ.. పెద్దఎత్తున పుష్పగుచ్ఛాలు పంపించారు. వాటితో తన ఇల్లంతా ఓ పూలతోటలా మారిందని, తన ఆరోగ్యం కోసం ప్రార్థించిన వారందరికీ ఆమె ధన్యవాదాలు తెలిపింది.