శ్రీదేవి కూతురు జాన్వి కపూర్ 'దఢక్' అనే సినిమాతో వెండితెరకు ఎంట్రీ ఇచ్చిన సంగతి. ఈ సినిమా వసూళ్లపరంగా, తన నటన పరంగా మంచి సక్సెస్ అందుకుంది. జాన్వి కపూర్ సినిమాలను ఓకే చేసే విషయంలో కొంచెం స్పీడ్ పెంచింది. ప్రస్తుతం ఆమె కరణ్ జోహార్ ప్రొడ్యూస్ చేసి డైరెక్ట్ చేస్తున్న ‘తఖ్త్’ అనే సినిమాలో నటిస్తుంది. ఈ సినిమా తరువాత తన మూడో సినిమాని కూడా లైన్ పెట్టింది. ఎయిర్‌ఫోర్స్ పైలట్ గుంజాన్ సక్సేనా లైఫ్ స్టోరీపై ఓ ఫిల్మ్ రానుంది. ఇందులో జాన్వి కపూర్ ఆమె పాత్ర లో నటించనుంది.
మొదటిసారి సౌత్ హీరోతో...
జాన్వి సరసన మలయాళం యూత్ ఐకాన్ దుల్కర్ సల్మాన్ నటించనున్నాడని సమాచారం. సినిమాకు సంబంధించి పనులు శరవేగంగా జరుగుతున్నాయి. ఈ సినిమాకు డైరెక్టర్, ప్రొడ్యూసర్ ఎవరు అనేది తెలియాల్సి ఉంది. 2019 లో ఈ సినిమా సెట్స్ మీదకు వెళుతుందని చెబుతున్నారు. జాన్వి ఈ ప్రాజెక్ట్ ను గతంలోనే ఓకే చేసిందంట. రీసెంట్ గా ఈమెకు ఓ అవార్డు వచ్చింది. ‘రైజింగ్ టాలెంట్ ఆఫ్ ది ఇయర్ అవార్డు’కు ఆమె ఎంపికైంది. తెలుగులో #RRR లో రాజమౌళి జాన్వి కపూర్ తీసుకుందాం అని ట్రై చేశాడు కానీ వర్కవుట్ అయినట్టు కనిపించలేదు. కానీ సౌత్ హీరోతో జాన్వి నటించడం ఇదే తొలిసారి.