హిందీ ఖైదీలో కత్రినా?

తమిళంలో కార్తీ హీరోగా తెరకెక్కిన ఖైదీ సినిమా తమిళంలోనూ, తెలుగులోనూ బ్లాక్ బస్టర్ హిట్ అయ్యింది. ఈ సినిమాని లోకేష్ కనకరాజ్ తెరకేక్కిన్చాడు. ఖైదీ హిట్ తో లోకేష్ కి స్టార్ హీరో విజయ్ తో మాస్టర్ సినిమా ఛాన్స్ వచ్చింది. మాస్టర్ సినిమా షూటింగ్ కంప్లీట్ అయినా కరోనా తో సినిమా విడుదల ఆగింది. అయితే ఖైదీ సినిమాలో హీరో కార్తీ తప్ప హీరోయిన్ రోల్ కి అవకాశం లేదు. అసలు హీరోయిన్ తో పని లేకుండానే కథ రాసుకున్నాడు. అయితే ఖైదీ సీక్వెల్ ఖైదీ 2 లో హీరోయిన్ అవకాశం ఉంటుంది. అయితే ఇప్పుడు ఈ సినిమాని హిందీలో రీమేక్ చేయబోతున్నారట.

అజయ్ దేవగన్ హీరోగా లోకేష్ కనకరాజే ఈ సినిమాని బాలీవుడ్ లోను రీమేక్ చేయబోతున్నాడనే టాక్ నడుస్తుంది. అయితే యాజిటీజ్ గా తమిళ వెర్షన్ ని రీమేక్ చెయ్యకుండా బాలీవుడ్ నేటివికి దగ్గరగా ఈ సినిమా రీమేక్ లో మార్పులు చేస్తారని.. ఖైదీలో హీరోయిన్ ట్రాక్ లేదు.. కానీ హిందీ ఖైదీ లో హీరోయిన్ ట్రాక్ కూడా ఉంటుందట. అయితే అజయ్ దేవగన్ కి భార్య గా కత్రినా కైఫ్ పేరు బాగా వినబడుతుంది. స్టార్ హీరోల సినిమాల్లో ఛాన్స్ వచ్చినా హీరోయిన్ గా క్లిక్ అవ్వలేకపోయినా.. ఐటెం సాంగ్స్ తోనే పిచ్చ క్రేజ్ సంపాదించినా కత్రినా కైఫ్ కి ఇప్పటికి బాలీవుడ్ లో భీభత్సమైన క్రేజ్ ఉంది. అయితే ఖైదీ హిందీ రీమేక్ లో కత్రినా అజయ్ కి భార్యగా, ప్రియురాలిగా కనిపించనుందని.. హిందీ నేటివికి తగ్గట్టుగా ఖైదీ హిందీ రిమేక్ కథలో మార్పులు ఉంటాయంటున్నారు.