థియేటర్లు కళకళలాడుతున్నాయి..!

గత రెండు నెలలుగా పిల్లలకు పరీక్షలేమో కానీ థియేటర్స్ మాత్రం బోసిపోతున్నాయి. అన్ సీజన్ అంటూ సరైన సినిమాలేవీ విడుదల కాలేదు. ఇప్పుడు పిల్లలకు పరీక్షల సీజన్ ముగిసింది. చాలా స్కూల్స్ కి వేసవి సెలవులు కూడా మొదలైపోయాయి. మరి మార్చి చివరి నుండే ఎండలు మండిపోతున్నాయి. కాబట్టే చాలా స్కూల్స్ కి సెలవులు కూడా ప్రకటించారు. మరి ఈ వేసవి సెలవులు మొదలవడమే తరువాయి.. కాస్త పేరున్న, క్రేజున్న సినిమాలన్నీ వరసబెట్టి థియేటర్స్ లోకి దిగిపోతాయి. అందులో ఈ వేసవి సెలవల్లో మొదటిగా థియేటర్స్ లోకి రాబోతున్న సినిమా నాగ చైతన్య – సమంత మజిలీ సినిమా. ప్రస్తుతం మంచి అంచనాలతో బాక్సాఫీసు వేసవి సెలవులకు గ్రాండ్ గా వెల్కమ్ చెప్పబోతోంది. మరి ఈ సినిమా మీద ప్రేక్షకులు భారీ ఆశలే పెట్టుకున్నారు.

రెండు చిత్రాల మధ్య పోటీ

మజిలీకి కాస్త టాక్ లేచిన చాలు ప్రేక్షకులు ఆ సినిమాని బంపర్ హిట్ చెయ్యడం ఖాయం. మరి చైతు – సమంత ప్రేక్షకుల ఆశలను ఎంతవరకు చేరుకుంటారో మరికొద్ది గంటల్లో తేలిపోతుంది. ఇక ఇవాళ మజిలీ వస్తుంటే రేపు ఉగాధి కానుకగా ప్రేమ కథ చిత్రం 2 విడుదలవుతుంది. సుమంత్ అశ్విన్, నందిత శ్వేత, సిద్ధి ఇద్నానీ హీరోహీరోయిన్లుగా నటించిన ఈ చిత్రంపై మంచి అంచనాలు ఉన్నాయి. గతంలో సుధీర్ బాబు, నందిత జంటగా వచ్చిన ప్రేమ కథ చిత్రం హారర్ కామెడీగా హిట్ అయ్యింది. అందుకే ఇప్పుడు ప్రేమ కథ చిత్రం 2పై అంచనాలు వచ్చాయి. ఇక తమిళం నుండి లక్ష్మీరాయ్ నటించిన మరో మూవీ కూడా ఈ వారమే తెలుగులో డబ్ అవుతుంది. ఏదైనా మజిలీ, ప్రేమ కథ చిత్రం 2 ల మధ్య పోటీ ఉంటుంది.