అందుకే గెడ్డాన్ని కంటిన్యూ చేస్తున్నావా పవన్

పవన్ కళ్యాణ్ ప్రస్తుతం రాకీయాలకు బ్రేకిచ్చి భార్య పుట్టింటికి విదేశాలకు క్రిష్ట్మస్ వేడుకల కోసం వెళ్ళాడు. మరో పక్క పవన్ కళ్యాణ్ రీ ఎంట్రీ ఫిలిం పింక్ రీమేక్ ఏర్పాట్లను దిల్ రాజు చకచకా పూర్తి చేస్తున్నాడు. వేణు శ్రీరామ్ స్రిప్ట్ వర్క్ కంప్లీట్ చేసి పవన్ రాక కోసం ఎదురు చూస్తున్నాడు. అధికారికంగా మొదలైన పింక్ రీమేక్ పవన్ రాకతో జనవరిలో సెట్స్ మీదకెళ్లబోతుంది. హీరోయిన్స్ దగ్గరనుండి బడ్జెట్ లెక్కలు, ఇతర నటుల ఎంపిక, డైలాగ్స్ అన్ని పూర్తవుతున్నాయి. మరో పక్క పవన్ కళ్యాణ్ లుక్ పై మెగా ఫ్యాన్స్ లో పిచ్చ ఇంట్రెస్ట్ ఉంది.

అయితే పింక్ సినిమాలో అమితాబ్ కాస్త ఏజెడ్ లుక్ లో గెడ్డం అవీ పెంచి కనిపించాడు. మరి పవన్ కళ్యాణ్ ని అలా ఫ్యాన్స్ ఒప్పుకోరు కాబట్టి… మిడిల్ ఏజ్ లాయర్ గానే పవన్ ని స్క్రీన్ మీద చూపించాలని వేణు శ్రీరాం డిసైడ్ అయినట్లుగా వార్తలొస్తున్నాయి. ఇక రాజకీయాల్లో పవన్ కళ్యాణ్ మేకప్ ని లుక్ ని వదిలేసాడు. స్టైలిష్ గా కాకుండా గెడ్డం, హెయిర్ అన్ని పెంచి కాస్త రఫ్ గానే కనబడుతున్నాడు. అయితే పింక్ రీమేక్ కోసం పవన్ కళ్యాణ్ గెడ్డం తోనే ఉంటే బావుంటుందని, ఎలాగూ గెడ్డం పెంచేసాడు కాబట్టి.. అదే లుక్ ఫాలో అయితే బానే ఉంటుందని పవన్ అనుకుంటున్నాడట. ఎలాగూ అమితాబ్, పింక్ తమిళ రీమేక్ హీరో అజిత్ అంతా గెడ్డంతో కనబడ్డారు.. ఇక పవన్ కూడా లాయర్ గా గెడ్డం లుక్ లోనే కనిపిస్తాడని అంటున్నారు. అందుకే పింక్ రీమేక్ కోసం పవన్ ప్రత్యేకించి మేకోవర్ అవ్వడం లేదట.