ప్రియ‌ద‌ర్శి అందరిని ఎదవల్ని చేసాడుగా?

పెళ్లి చూపులు సినిమాతో కమెడియన్ గా మంచి గుర్తింపు తెచ్చుకున్న ప్రియ‌ద‌ర్శి రీసెంట్ గా మీడియా వాళ్లతో పాటు ప్రేక్షకులని ఎదవల్ని చేసాడు. నిన్న తన స్నేహితుడు కోసం చేసిన పని ఇప్పుడు అత‌న్ని విమ‌ర్శ‌ల బారిన ప‌డేలా చేసింది. అసలు మ్యాటర్ లోకి వెళ్తే..నిన్న ప్రియ‌ద‌ర్శి త‌న ట్విట్ట‌ర్‌లో ఎవ‌రో అన్‌ఫ్రొఫెష‌న‌ల్ దొంగ త‌న బైక్‌ను కొట్టేశాడంటూ వీడియో ఒక‌టి పోస్ట్ చేశాడు. ఇది న్యూస్ ఛానెల్స్ లో కూడా టెలికాస్ట్ అయింది. మీడియా తో పాటు పోలీస్ వారు కూడా అస‌లు ప్రియ‌ద‌ర్శి బైక్ కొట్టేసిన దొంగ ఎవ‌రా? అంటూ త‌మ‌దైన రీతిలో ఆరాలు తీయ‌డం స్టార్ట్ చేశారు.

దాంతో ఈ మ్యాటర్ ఎక్కడికో వెళ్తుందని వెంట‌నే తాను పోస్ట్ చేసిన వీడియో డిలీట్ చేశాడు. ప్రియ‌ద‌ర్శి ట్విట్టర్ ద్వారా అందరికి క్ష‌మాప‌ణ‌లు చెప్పాడు. అసలు విషయం ఏంటంటే ప్రియ‌ద‌ర్శి త‌న బైక్‌ను ఎవ‌రో కొట్టేశార‌ని చెప్ప‌డం అంతా అబ‌ద్ధమ‌ట‌. తన స్నేహితుడు సందీప్ కిషన్ నటించిన 'నిను వీడ‌ని నీడ‌ను నేనే' సినిమా ప్ర‌మోష‌న్స్‌లో భాగంగా త‌న బైక్ పోయింద‌ని చెప్పాడు. ఈ బైక్ ని బేస్ చేసుకుని ప్రమోషన్స్ స్టార్ట్ చేసారు. కానీ అది వేరేలా వెళ్తుండడంతో ఆ ప్రమోషన్ ని ఆపేసారు. విషయం తెలుసుకున్న మీడియా వర్గాలు, నెటిజ‌న్స్ కూడా గుర్రుగా ఉన్నాయి. ఇక ఈమూవీ ఈవారం రిలీజ్ అవ్వనుంది. ఈమూవీ హిట్ అవ్వడం సందీప్ కిషన్ చాలా అవసరం.