సైరాకి అంత ఖర్చా…..?

మెగాస్టార్ చిరంజీవి ప్రెస్టీజియస్ ప్రాజెక్ట్ సైరా నరసింహారెడ్డి వరల్డ్ వైడ్ అక్టోబర్ 2 న రిలీజ్ కాబోతోంది. ఎన్నో చర్చల తరువాత నిన్న ఈ సినిమా యొక్క ఓవర్ సీస్ డీల్ లాక్ అయింది. అది కూడా 15 కోట్ల రూపాయలకు కావడం విశేషం. మొన్నటివరకు ఈ సినిమా 18 కోట్ల కి వెళ్లిందని వార్తలు వచ్చాయి కానీ నిన్నే ఈ సినిమా 15 కోట్లు కి వెళ్లిందని తెలుస్తోంది.

టాక్ వస్తే చాలు….

ప్రభాస్ నటించిన సాహో చిత్రాన్ని తీసుకున్న ఫారస్ సంస్థనే సైరా విదేశీ పంపిణీ హక్కులు తీసుకుంది. ఇది ఒక రకంగా మంచి డీలే. మహర్షి లాంటి సినిమాకు సూపర్ హిట్ టాక్ వచ్చిందన్నుకున్న రేంజ్ కి మాత్రం రావడం కష్టమైపోయింది. సాహో అయితే సగానికి సగం నష్ట పోయింది. ఇటువంటి టైం లో సైరా ని ఎక్కువ కు అమ్మితే నష్టాలు తప్పవని 15 కోట్లు కి అమ్మారు. చిరు క్రేజ్, సైరా బజ్ అన్నీ కలిసి ఈ చిత్రంపై 10 కోట్లకు పైగా వస్తుందని ఆశిస్తున్నారు. యావరేజ్ టాక్ వచ్చినా పెట్టిన పెట్టుబడి వచ్చే అవకాశముందని తెలుస్తుంది.

రూ.250 కోట్ల ఖర్చు….

ఇక ఈ మూవీ అమెరికాలో ఫారస్ సంస్థనే పంపిణీ చేస్తుందా? లేక అక్కడ తెలుగు సినిమాల పంపిణీ లో అనుభవం వున్న సంస్థ ద్వారా చేస్తుందా? అన్నది తెలియాల్సి ఉంది. చిరు సరసన ఇందులో నయనతార నటిస్తుంది. రామ్ చరణ్ ఈ సినిమాను నిర్మించాడు. ఈ చిత్రం కు దాదాపు 250 కోట్లు ఖర్చు అయిందని తెలుస్తుంది.