"శంకర్ దాదా ఎంబీబీఎస్ " సింగర్ కన్నుమూత
మెగాస్టార్ చిరంజీవి నటించిన శంకర్ దాదా ఎంబీబీఎస్ సినిమాలో పట్టు పట్టు చెయ్యే పట్టు పాటతో తెలుగు ప్రేక్షకుల మనసు దోచుకున్న తమిళ నేపథ్య గాయకుడు, నటుడు
మెగాస్టార్ చిరంజీవి నటించిన శంకర్ దాదా ఎంబీబీఎస్ సినిమాలో పట్టు పట్టు చెయ్యే పట్టు పాటతో తెలుగు ప్రేక్షకుల మనసు దోచుకున్న తమిళ నేపథ్య గాయకుడు, నటుడు మాణిక్క వినాయగం(73) అనారోగ్యంతో కన్నుమూశారు. కొంతకాలంలో అనారోగ్యంతో బాధపడుతున్న ఆయన ఆదివారం రాత్రి తుదిశ్వాస విడిచారు. మాణిక్క వినాయగం 2001లో దిల్ అనే తమిళ సినిమా ద్వారా సింగర్ గా కెరీర్ ను ప్రారంభించారు.
తెలుగు, తమిళం ఇలా అన్ని భాషల్లోనూ కలిపి ఇప్పటి వరకూ 800కు పైగా పాటలు పాడారు మాణిక్క వినాయగం. వేల సంఖ్యలో ఆధ్యాత్మిక, జానపద పాటలు పాడిన మాణిక్య వినాయగం.. కేవలం గాయకుడిగానే కాకుండా నటుడిగానూ ప్రేక్షకుల మన్ననలు అందుకున్నారు. పలు తమిళ చిత్రాల్లో నటించి ప్రేక్షకులను మెప్పించారు. మాణిక్క వినాయగం మృతితో చిత్ర పరిశ్రమలో విషాదం నెలకొంది. వినాయగం మృతి పట్ల పలువురు సంతాపం తెలిపారు.