మురళీధరన్‌ బయోపిక్‌ ట్రైల‌ర్ చూశారా.. మూవీ టైటిల్‌గా '800' ఎందుకు..?

లెజెండ‌రీ ఆఫ్ స్పిన్న‌ర్ ముర‌ళీధ‌ర‌న్ పాత్రని పోషించడానికి ముందుగా తమిళ స్టార్ యాక్టర్ విజయ్ సేతుపతి (Vijay Sethupathi) ఎంపిక అయ్యాడు. అయితే ఈ సినిమాలో విజయ్ నటించడం పై పూర్తి వ్యతిరేకత రావడంతో.. స్వయంగా ముర‌ళీధ‌ర‌న్ తనని ఈ సినిమా నుంచి తప్పుకోవాలంటూ విజయ్ కి సూచించాడు. 'తన బయోపిక్ వల్ల ఒక గొప్ప నటుడు కెరీర్ చిక్కుల్లో పడకూడదని' విజయ్ సేతుపతిని రిక్వెస్ట్ చేస్తూ అప్పటిలో ముర‌ళీధ‌ర‌న్ ఒక ట్వీట్ చేశాడు.

ఆ తరువాత ఈ మూవీలో ముర‌ళీధ‌ర‌న్ పాత్ర పోషించడానికి.. స్లమ్‌డాగ్ మిలియనీర్ మూవీలో నటించిన 'మధుర్ మిట్టల్' ఎంట్రీ ఇచ్చాడు. ముర‌ళీధ‌ర‌న్ వైఫ్ 'మదిమలర్' రోల్ లో 'మహిమా నంబియార్' కనిపించబోతుంది. ఎంఎస్ శ్రీపతి ఈ మూవీని డైరెక్ట్ చేస్తున్నాడు. ఇక ఈ సినిమాకి '800' అనే టైటిల్ ఎందుకు పెట్టారంటే.. టెస్టు క్రికెట్‌ లో 800 వికెట్స్ తీసిన ఏకైక బౌల‌ర్‌ ముత్త‌య్య ముర‌ళీధ‌ర‌న్. అందుకనే మూవీకి ఆ టైటిల్ ని పెట్టారు.

తమిళంలో తెరకెక్కించిన ఈ చిత్రాన్ని తెలుగు, హిందీ, ఇంగ్లీష్ లాంగ్వేజ్స్ లో కూడా రిలీజ్ చేయబోతున్నారు. తాజాగా ఈ మూవీ ట్రైలర్ లాంచ్ ఈవెంట్ ముంబైలో జరిగింది. ఈ ఈవెంట్ కి క్రికెట్ గాడ్ స‌చిన్ టెండూల్క‌ర్ ముఖ్య అతిథిగా వచ్చి ట్రైలర్ ని రిలీజ్ చేశాడు. కాగా స్పోర్ట్స్ బయోపిక్ అంటే.. ముందుగా గుర్తుకు వచ్చే చిత్రం 'ధోని'. ఆ తరువాత సచిన్, కపిల్ దేవ్, మరికొన్ని బయోపిక్ లు వచ్చినా ఆడియన్స్ ని ధోని రేంజ్ లో ఆకట్టుకోలేకపోయాయి. మరి ఇప్పుడు మురళీధరన్‌ బయోపిక్‌ ఎంతవరకు ఆకట్టుకుంటుందో చూడాలి.