సుదీప్ లక్కీ ఛాన్స్ కొట్టేశాడా..?

బాలీవుడ్ లో సెన్సేషన్ క్రియేట్ చేసిన ‘దబాంగ్’ అంటే సల్మాన్ ఖాన్ కు చాలా ఇష్టం. అందుకే ఈ సినిమాకి సీక్వెల్ గా దబాంగ్ 2 వచ్చింది. దీన్ని సల్మాన్ ఖాన్ తమ్ముడు అర్బాజ్ ఖాన్ దర్శకత్వంలో రూపొందించారు. కానీ ఇది డిజాస్టర్ అయింది. అయినా కూడా సల్మాన్ కు దబాంగ్ లోని హీరో పాత్రపై మోజు తగ్గలేదనుకుంట. మరోసారి దబాంగ్ సీక్వెల్ చేయాలని సల్మాన్ ఆసక్తి చూపించాడు. అయితే ఈసారి డిఫరెంట్ స్టోరీతో ఈ చిత్రాన్ని రూపిందించనున్నారు. ఈసారి సల్మాన్ ను డైరెక్ట్ చేసే ఛాన్స్ ప్రభుదేవాకు దక్కింది.

హీరోగా నటిస్తాడా..?

త్వరలోనే సినిమాను సెట్స్ పైకి తీసుకువెళ్లాలని భావిస్తున్నారు. ఇందులో కన్నడ స్టార్ హీరో సుదీప్ విలన్ గా నటించబోతున్నాడని వార్తలు వస్తున్నాయి. అయితే కొన్ని రోజుల నుండి సుదీప్ ఇందులో విలన్ గా కాదట నటించేది. హీరోగా అంట. ఆల్రెడీ సల్మాన్ హీరోగా చేస్తున్నపుడు మరో హీరోకి ఎలా ఛాన్స్ ఇస్తారు అనేది పెద్ద ప్రశ్న. మరి ఇందులో ఎంతవరకు నిజముందో తెలియదు కానీ సల్మాన్ లాంటి స్టార్ హీరో పక్కన మరో స్టార్ హీరో నటిస్తున్నాడు అంతే సినిమాకి మాములు క్రేజ్ ఉండదు. మరి ఈ న్యూస్ నిజమో కాదో తెలియాలంటే అధికార ప్రకటన కోసం వెయిట్ చేయాల్సిందే.