లలిత్ మోదీ చేసుకున్న ప్రచారానికి షాకింగ్ సమాధానం చెప్పిన సుస్మిత

మాజీ ప్రపంచ సుందరి సుస్మితాసేన్, పరారీలో ఉన్న ఆర్ధిక నేరస్థుడు లలిత్ మోదీతో డేటింగ్‌లో ఉన్నారనే వార్త దేశ మీడియాలో సంచలనానికి దారి తీసింది. లలిత్ మోదీతో కలిసి వెడ్డింగ్ రింగ్‌తో ఉన్న సుస్మితా సేన్‌ ఫొటో సోషల్ మీడియాలో షేర్ అవుతుండటంతో వారిద్దరి పెళ్లి అయిపోయిందంటూ జాతీయ మీడియా కథనాలు వెలువరించింది. మాల్దీవుల పర్యటన ముగించుకుని ఇప్పుడే లండన్ చేరుకున్నామని, తన బెటర్ లుకింగ్ పార్ట్‌నర్ సుష్మితా సేన్‌తో కొత్త జీవితం ప్రారంభించబోతున్నాననంటూ లలిత్ మోదీ ఇన్‌స్టాగ్రామ్‌‌లో పోస్ట్ చేశాడు. ఆ తర్వాత కాసేపటికే ట్విటర్‌లో తమకు ఇంకా వివాహం కాలేదని, కానీ త్వరలోనే చేసుకుంటామంటూ ట్వీట్ చేశాడు.