సుజిత్ ఎక్కడ బాసు

సినీ రంగం లో కెప్టెన్ అఫ్ ది షిప్ అనేది డైరెక్టర్ ఒక్కడినే. అన్ని తానై చూసుకుంటూ ముందుకు నడపాలి. సినిమా షూటింగ్ దగ్గర నుండి రిలీజ్ అయినా తరువాత ప్రమోషన్స్ కూడా డైరెక్టరే చూసుకోవాలి. సాహో లాంటి భారీ చిత్రం తీసినప్పుడు ఆ డైరెక్టర్ ఆ మూవీని ఎలా ప్రమోట్ చేయాలి? కానీ సుజీత్ మాత్రం ఈచిత్రం ను ప్రమోట్ చేసే విషయంలో చాలా దూరంగా ఉన్నాడు.

అసలు సుజీత్ ఎక్కడ ఉన్నాడో తెలియడంలేదు. రిలీజ్ కి ముందు మాత్రం ముంబయి, చెన్నయ్ లో వున్నారు. ఏదో ఒక్కసారి సాహో కి సంబందించిన ఈవెంట్ లో కనపడ్డాడు. మూవీ రిలీజ్ తరువాత సుజీత్ ఎక్కడికో వెళ్ళిపోయాడు. అభిమానులు చాలా వరకు సుజిత్ మీద ఆగ్రహంతో వున్నారు. డైరెక్షన్ చాలా దరిద్రంగా ఉందని, వెయ్యి కోట్ల సినిమా అవుతుందనుకున్న సినిమా రేంజ్ సుజిత్ కారణంగానే తగ్గిందన్నది వారు బాధపడుతున్నారు.

సుజీత్ కి సినిమా రిజల్ట్ ముందే తెలుసేమో అందుకే విడుదలకు ముందే ఫోన్ స్విచాఫ్ చేసి,గోవాకు జంప్ అయినట్లు తెలుస్తోంది. ప్రస్తుతం సుజీత్ గోవాలో విశ్రాంతిలో వున్నారని, ఫోన్ స్విచాఫ్ చేసారని, ఎవరికీ రెస్పాండ్ కావడం లేదని తెలుస్తోంది. మనోడు నెక్స్ట్ సినిమా చాలా లేట్ గా తీస్తాడు అని అర్ధం అవుతుంది