Maa : రాజీనామాలపై మంచు విష్ణు

మూవీ ఆర్టిస్ట్ అసోసియేషన్ నూతన కార్యవర్గం నేడు ప్రమాణం చేయనుంది. కొత్తగా అధ్యక్షుడిగా ఎన్నికైన మంచు విష్ణుతో సహా మిగిలిన పాలక మండలి సభ్యులు నేడు ప్రమాణస్వీకారం చేయనున్నారు. 11 మంది ప్రకాష్ రాజ్ ప్యానెల్ సభ్యులు రాజీనామా చేయడంతో వీరు ప్రమాణస్వీకారానికి వచ్చే అవకాశం లేదు. వీరి రాజీనామాలపై నేడు మంచు విష్ణు నిర్ణయం తీసుకోవాల్సి ఉంది.

పాలకమండలి భేటీ తర్వాత….

ప్రమాణస్వీకారం పూర్తయిన తర్వాత మంచు విష్ణు పాలకమండలిలో చర్చించి ప్రకాష్ రాజ్ ప్యానెల్ సభ్యుల రాజీనామాలపై ఒక నిర్ణయం తీసుకుంటారని తెలిసింది. మా బైలాస్ ప్రకారం రాజీనామా చేసిన సభ్యుల స్థానంలో వేరే సభ్యులను నామినేట్ చేేసే అవకాశముంది. దీంతో మంచు విష్ణు రాజీనామాలపై ఎలాంటి నిర్ణయం తీసుకుంటారన్నది ఆసక్తికరంగా మారింది.