Kolkata : కోల్‌కత్తాలోని వైద్యురాలి హత్యాచార ఘటనపై నేడు సుప్రీంకోర్టులో విచారణ

కోల్‌కత్తాలోని వైద్యురాలి హత్యాచార ఘటనను నిరసిస్తూ దేశ వ్యాప్తంగా ఇంకా మెడికోలు ఆందోళన వ్యక్తం చేస్తున్నారు. వారు వివిధ రూపాల్లో తమ నిరసనను తెలియ చేస్తున్నారు. పశ్చిమ బెంగాల్ ప్రభుత్వం ఈ ఘటనను సీబీఐకి అప్పగించడంతో ఇప్పటికే విచారణ ప్రారంభించింది. నిందితులను అదుపులోకి తీసుకుంది. నిందితుడికి పాలిగ్రాఫ్ టెస్ట్ లు చేయడానికి కూడా హైకోర్టు అనుమతిచ్చింది. ఈ నేపథ్యంలో సుప్రీంకోర్టు ఈ కేసును విచారణకు తీసుకోవడంతో ఎటువంటి ఆదేశాలు ఇస్తుందన్నది దేశమంతా ఉత్కంఠ నెలకొంది.